Thursday, March 19, 2009

മഴ....... പോലെ .......

എന്തെങ്കിലും ഒക്കെ എഴുതികൂട്ടാരുണ്ട്. അതിനെ എന്ത് പേര് വിളിക്കണംന്നു എനിക്ക് അറിയില്ല. എങ്കിലും......... എഴുതുകയാണ്....

മഴയുടെ വരവ് കാത്തിരിക്കുന്ന വേഴാമ്പല്‍.......!!!ആ വേഴാമ്പലിനെ പോലെ ....ഞാനും കാത്തിരിക്കുകയാണ്‌....ആരെയോ.....?മഴയുടെ ഭാവഭേദങ്ങളെ പോലെ ഞാന്‍ കാത്തിരിക്കുന്ന, പ്രതീക്ഷിക്കുന്ന ആള്‍ക്കും ഒരുപാട് ഭാവഭേദങ്ങള്‍.ചിലപ്പോള്‍ ഒരു കുഞ്ഞിമഴയെപോലെ ഒരു തലോടലായിട്ടാവാം,ചിലപ്പോള്‍ ചറപറ പെയ്യുന്ന മഴപോലെ ഒരു തിക്കിതിരക്കലാവാം,ചിലപ്പോള്‍ പെരുമഴയെപോലെ ഒരു ഗര്‍ജനത്തോടെയാവാം വരുന്നത്. -----------എന്തായാലും കാത്തിരുപ്പിനു അതിന്റേതായ ഒരു ഈണവും,താളവും ഒക്കെയുണ്ട്.ഒരു രസം ! ഒരു സുഖമുള്ള കാത്തിരിപ്പ്. എപ്പോള്‍ വരുമെന്നറിയില്ല, എങ്കിലും എന്റെ കണ്ണുകള്‍ പ്രതീക്ഷിക്കുന്നുണ്ട് ഇപ്പോഴും......

നിനക്ക് അറിയുമോ...? ഞാന്‍ നിന്റെ വരവിന് വേണ്ടിയാണു കാത്തിരിക്കുന്നത്, നിനക്ക് വേണ്ടി മാത്രം. ഞാനറിയുന്നു, നിന്നോടൊത്തു ചേരുകയാണ് എന്റെയീ ജന്മത്തിന്റെ സാഫല്യമെന്ന്‍.എപ്പോള്‍ വരുമെന്നറിയാത്ത ഒരാള്‍ക്ക് വേണ്ടിയുള്ള നീണ്ട, സുദീര്‍ഘമായ കാത്തിരിപ്പ്‌.അതിന്റെ രസം അതെനിക്ക് മാത്രം .......!!!

പലപ്പോഴും നിന്നെ ഞാന്‍ അടുത്ത് കണ്ടിട്ടുണ്ട്. എന്നെ വേദനിപ്പിച്ചിട്ടുണ്ട്. എന്നെ മരവിപ്പിച്ചിട്ടുന്ദ്. എന്നെ കരയിപ്പിച്ചിട്ടുന്ദ്. കാരണം, നീ കാരണം പലതുമെനിക്ക് നഷ്ടപെട്ടിട്ടുന്ദ്.ഇനിയൊരിക്കലും അതൊന്നുമെനിക്ക് തിരികെ കിട്ടില്ല... നീ പറയ്....., നീയല്ലേ എല്ലാത്തിനും കാരണം? എന്നിട്ടും നിന്നെ പ്രതീക്ഷിക്കുകയാണ്.......

നിന്റെ വരവ് അനിവാര്യമാണ്.........നിന്നെ കാത്തിരിക്കുകയാണ്‌..... ഞാനാ നിമിഷത്തിനായി കാതോര്‍ക്കുകയാണ്....മഴയുടെ ഏത് ഭാവഭേടതോടെയാവും നീ വരുന്നത് എന്ന ചിന്തയോടെ .......നീ പടികടന്നു വരുന്ന നിമിഷത്തിനു വേണ്ടി...............!!!

3 comments:

നരിക്കുന്നൻ said...

മഴ വന്ന് പെയ്തൊഴിഞ്ഞ് ശൂന്യമാകുന്നതിനേക്കാൾ വരുവാനുണ്ടെന്ന കാത്തിരിപ്പിനാണ് സുഖം...

ദീപാങ്കുരന്‍ said...

kollam... kathirikkuka..

വിനയന്‍ said...

കോരിച്ചൊരിയുന്ന മഴ... അതെന്നും പ്രീയപ്പെട്ടത് തന്നെയാണ്...
നല്ല എഴുത്ത്... അഭിനന്ദനങ്ങള്‍..