പ്രതീക്ഷ................................!!!

ഞാന്‍ പ്രതീക്ഷിച്ചു. പക്ഷേ, നീ വന്നില്ല.
ഞാന്‍ പ്രതീക്ഷിക്കുന്നു. പക്ഷേ, നീ വരില്ല -- അറിയാം
എന്റെ പ്രതീക്ഷകള്‍
അനന്തതയിലേക്ക് നീണ്ടു പോവുകയെന്ന്,
എന്നെ വെറുതെ കളിയാക്കിക്കൊണ്ട്.....

ഞാന്‍ പ്രതീക്ഷിക്കുന്നത്
എന്തിനെന്ന് പോലും എനിക്കറിയില്ല...പക്ഷേ,
ഒന്നറിയാം....
പ്രതീക്ഷകളെ ബാക്കിയാക്കിക്കൊണ്ട്
എന്റെ ജീവിതം ഒരു വിദൂരതയില്‍ മായുമെന്ന്.

ഞാന്‍ എന്താണ് പ്രതീക്ഷിക്കുന്നത്‌ ?
ആരെയാണ് പ്രതീക്ഷിക്കുന്നത് ?
ആവോ.....???
പക്ഷേ, എന്നിട്ടും ഞാന്‍ പ്രതീക്ഷിക്കുന്നു...


വെറുതെ.......................!!!

നിനക്ക് വേണ്ടി...............

"എനിക്ക് വേണ്ടി ജീവിക്കുന്നുവെന്നറിയാം,
ഒരിക്കലും മറക്കാനാവില്ലെന്നറിയാം
കാരണം, എന്‍ ഹൃദയത്തിന്‍ സ്വപ്നങ്ങള്‍ക്ക്
നീയല്ലയോ ചിറക് നല്‍കിയത്,
പറന്നുയരാന്‍ പ്രേരിപ്പിച്ചത്,
പഠിപ്പിച്ചത് ----------------------"

ഓര്‍മ്മയില്‍ എന്നും തങ്ങി നില്‍ക്കുന്ന ഒരു സംഭവം പറയാം.....

ഓര്‍മ്മയില്‍ എന്നും തങ്ങി നില്‍ക്കുന്ന ഒരു സംഭവം പറയാം.....
പലപ്പോഴും ഞാനും, എന്റെ അനിയനും കൂടി ആലോചിച്ചു ചിരിക്കാറുള്ള ഒരു സംഭവം.....

അന്നെനിക്ക് 6 വയസ്സ് കാണും, അനിയന് 4 വയസ്സും. എനിക്ക് നാട്ടില്‍ അന്നുണ്ടായിരുന്ന ഒരേയൊരു കൂട്ടുകാരന്‍ ഡിങ്കു ആണ്.അവനു 7 വയസ്സ് അന്ന്... വീട്ടില്‍ ആരുമുണ്ടായിരുന്നില്ല സംഭവ ദിവസം..... പുതിയതായി വാങ്ങിയ ടേപ്പ് റിക്കോര്‍ഡാര്‍ ഉണ്ട് വീട്ടില്‍...... ഞങ്ങളെ നന്നായി അറിയാവുന്നത്കൊണ്ട് ടേപ്പ് റിക്കോര്‍ഡാര്‍ വെച്ചിരുന്ന സ്ഥലത്ത് ഞങ്ങള്‍ക്ക് എത്തണമെങ്കില്‍ ഡൈനിങ്ങ്‌ ടേബിളിന്റെ മേലെ കയറി നില്‍ക്കണമായിരുന്നു......അങ്ങനെ കഷ്ടപ്പെട്ട് ഡൈനിങ്ങ്‌ ടേബിള്‍ ഒക്കെ മാറ്റിയിട്ട് അതിന്റെ മേലെ ആയിരുന്നു മുഴുവന്‍ കളിയും........

കളിച്ച്‌ കളിച്ച്......സൌണ്ട് റെക്കോര്‍ഡ് ചെയ്യാനും ഞങ്ങള്‍ പഠിച്ചു.....
അങ്ങനെ നല്ലൊരു കാസറ്റ് പോയികിട്ടിയെന്നത് വേറൊരു സത്യം......!!!

സംഭവം നടക്കുന്നതിന്റെ തലേ ദിവസം അച്ഛന്‍ എനിക്ക് പുതിയ ഇന്‍സ്ട്രുമെന്റ് ബോക്സ് വാങ്ങി തന്നിരുന്നു......(6 വയസ്സയുള്ള കുട്ടിക്കെന്തിനാ ഇന്‍സ്ട്രുമെന്റ് ബോക്സ് എന്നാവും അല്ലേ? അത്യാവശ്യം നല്ലൊരു വാശിക്കാരി കുട്ടിയായിരുന്നു ഞാന്‍. അത്രേയുള്ളൂ ) അതും കയ്യില്‍ പിടിച്ചു കൊണ്ടായിരുന്നു നടപ്പ്...........

രാവിലെ തന്നെ ഡിങ്കു വന്നു...പതിവ് പോലെ റികോര്‍ഡിംഗ് തുടങ്ങി.....(ആ കാസറ്റ് നാശാക്കിയതിനു അമ്മയുടെ വക ഒരുപാട് വഴക്ക് കേട്ടു.... വഴക്ക് പറഞ്ഞാലും കാസറ്റ് ഏതായാലും പഴയപടി ആവാന്‍ പോകുന്നില്ല എന്ന് അമ്മയ്ക്കും അറിയാവുന്നത് കൊണ്ട് ആ കാസറ്റ് ഞങ്ങള്‍ക്ക് സ്വന്തമായിട്ട് തന്നു...... വേറെ കാസറ്റ് ഒന്നും എടുത്തു കളിക്കില്ലല്ലോ.....!!!).

ഞങ്ങള്‍ 3 പേരും തിമിര്‍ത്തു പാടുകയാണ്....... റികോര്‍ഡിംഗ് അവസാനിച്ചു.........പ്ലേ ചെയ്തു കേട്ടു............അപ്പോഴാണ് ആ സംശയം മനസ്സില്‍ തോന്നിയത്..........(ആരുടെ മനസിലാണ് ആ സംശയം തോന്നിയതെന്ന് ഇപ്പോഴെനിക്ക്‌ ഓര്‍മയില്ല).സാധാരണ നമ്മള്‍ പാട്ട് കേള്‍ക്കുമ്പോള്‍ ബാക്ക്ഗ്രൌണ്ട് മ്യൂസിക് കേള്‍ക്കരുണ്ടല്ലോ.......തബലയുടെയും മറ്റും ശബ്ദം... അങ്ങനെ ഒരു ശബ്ദം വേണം അതിനു എന്താ ചെയ്യുക എന്ന് പറഞ്ഞതെ ഓര്‍മയുള്ളൂ.............എന്റെ കയ്യിലിരുന്ന ഇന്‍സ്ട്രുമെന്റ് ബോക്സ് അതാ കിടക്കുന്നു താഴെ................................!!!

എല്ലാം പൊട്ടി ചിതറി......... ബോക്സ് ഒരുകോലമായി......
ആ ഐഡിയ തോന്നിയത് ഡിങ്കുവിനായിരുന്നു............
നിമിഷ നേരത്തിനുള്ളില്‍ എന്റെ കയ്യിലുണ്ടായിരുന്ന ബോക്സ് തട്ടിപറിച്ച്
സംഭവ ബഹുലമായ ഒരു ബാക്ക് ഗ്രൌണ്ട് മ്യൂസിക് ഉണ്ടാക്കി..........!!!

കുറച്ചു നേരത്തേക്ക്.......രംഗം നിശബ്ദമായിരുന്നു........ആരും ഒന്നും മിണ്ടിയില്ല...........

ഡി ങ്കു പോയി..................കുറച്ചു കഴിഞ്ഞപ്പോള്‍ അമ്മ വന്നു..............

അനിയനും, ഞാനും ഒന്നും മിണ്ടിയില്ല..........................
അമ്മ എന്തോ വാങ്ങികൊണ്ടാണ് വന്നത് ...........
അമ്മയുടെ അടുത്തേക്ക് പോയതേയില്ല......
ഞങ്ങളുടെ പെരുമാറ്റത്തിലെ കള്ളത്തരം കണ്ടപ്പഴേ അമ്മക്ക് കാര്യം പിടികിട്ടി.....
കേസ് വിസ്താരം കഴിഞ്ഞു ..............പിന്നെ പൊടിപൂരം ആയിരുന്നു..........

അച്ഛന്‍ (അച്ഛന്‍ വഴക്കൊന്നും പറയില്ല,......അടിക്കില്ല.....അങ്ങനെയുള്ള അവകാശങ്ങള്‍ ഒക്കെ അമ്മയില്‍ നിഷിപ്തമായിരുന്നു.....)വന്നപ്പോഴേക്കും പൂരം തീര്‍ന്നിരുന്നു........ ക്ഷീണം കൊണ്ട് ഞങ്ങള്‍ ഉറങ്ങിയിരുന്നു...

അങ്ങനെ എന്റെ ബോക്സ് മോഹത്തിനും......റികോര്‍ഡിംഗ് മോഹത്തിനും അന്ത്യം കുറിച്ചു.....!!!